Ármannsfell 15-SEP-12

Gengið á Ármannsfell laugardaginn 15. september 2012. Bílnum lagt við Bolabás og gengið þaðan á fjallið. Nokkuð stíf norðanátt og hiti um 5°C. Þokuslæðningur á fjallstoppum en þurrt á göngumönnum.
Gengið er upp lítt gróna mela. Þegar upp er komið tekur við mosagróið stórgrýti.
Gengið var á tvo hæstu tindana, sem reyndust nánast jafnháir. Heildargöngutími vorum réttar 3 klst.
Útsýni af Ármannsfelli er nokkuð gott yfir þjóðgarðinn á Þingvöllum og nærliggjandi fjöll.