Gvendarselshæð, Gullkistugjá og Undirhlíðar #Toppfarar

Gekk þessa leið með fjögurra daga millibili, í fyrra skiptið alveg snjólausa en svo hafði snjóað aðeins í holur og á stíga í seinni ferðinni.
Gaman að sjá hve leiðin er ólík eftir því hvort er snjór eða ekki.
Mæli með því að stoppa í nokkurs konar hraunskál þegar komið er niður af hryggnum sem genginn er fyrst og áður en farið er upp á næstu hæð.
Í Gullkistugjá er gaman að kíkja til baka og sjá sjónarhorn á Helgafell sem maður sér sjaldnar.
Fullt af litlum fallegum hlutum á þessari leið og fullkominn endir að koma niður í skógi vaxnar Undirhlíðarnar og rölta meðfram þeim.