Hrafnabjörg Þingvellir júlí 2020

Hrafnabjörg blasa tignarleg við manni í sjónlínunni milli Þingvalla og Laugarvatns þegar keyrt er austur Mosfellsheiðina. Handan Hafnarbjargs (keyrt eftir Gjábakkavegi) er hins vega nokkuð góð gönguleið sem hér er í boði. Gengið var frá bílastæði við vörðuna Bragabót yfir þúfur, mosa og skriður að hluta. Á bakaleiðinni var gengið upp á gíg í nágrenni bílastæðis og auk þess var gengið meðfram miklu og mögnuðu gili sem kom okkur gjörsamlega á óvart. Vegurinn að Bragabót, þar sem gangan hófst, reyndist mjög grófur, (minnti á leiðina að Keili) og er flestum fær að sumri... lágir bílar þurfa þó að fara mjög gætilega. Að vetri er bílum gjarnan lagt við Stóra Dímon en það lengir gönguna um 4 til 5 km hvora leið.