-
-
965 m
592 m
0
4,0
8,1
16,12 km

Skoðað 12sinnum, niðurhalað 0 sinni

nálægt Skogar, Suðurland (Ísland)

Ferð á vegum FÍ. Gangan hófst á föstudegi í Landmannalaugum í suðaustan roki og rigningu, með allt á bakinu. Gengið var um Brennisteinsöldu og upp að Stórahver eins og gert er í byrjun Laugavegsgöngu. Stefnan var síðan tekin ofan í Jökulgil um fjárgötur á barmi hrikalegra og litríkra Hamragilja. Örlítið stytti upp annað slagið svo nokkrar þokkalegar myndir náðust. Tjaldað var á eyrinni í Hattveri. Laugardaginn 27. júlí vöknuðu menn blautir og hraktir. Tjöldin héldu illa vatni. Veðrið fór versnandi (meira rok og stöðug rigning) og spáin var áfram slæm. Því var ákveðið að skoða það helsta á einum degi, sem átti að taka tvo daga og ganga samdægurs aftur til Landmannalauga. Þetta reyndist langur og blautur dagur en mjög eftirminnilegur. Náttúruundur Græna hryggjar var skoðað og vaðið yfir Jökulgilskvísl við furðumyndir Þrengsla. Magnað svæði og fáfarið enda erfitt að komast þarna að. Eftir að tjöldin voru tekin upp í Hattveri var genginn upp hinn mjói Uppgönguhryggur með litrík og hrikaleg gil á báða bóga. Gengum í hlíð Skalla, eins besta útsýnisfjalls að Fjallabaki en stóðum varla fyrir roki og regni. Gengið var eftir Laugabarmi og komið í Landmannalaugar eftir rúmlega 11 tíma göngu.

Athugasemdir

    You can or this trail