Moving time  3 klukkustundir 57 mínútur

Tími  8 klukkustundir 34 mínútur

Hnit 2745

Uploaded 24. júní 2018

Recorded júní 2018

-
-
487 m
17 m
0
3,9
7,8
15,59 km

Skoðað 450sinnum, niðurhalað 19 sinni

nálægt Saurbaer, Höfuðborgarsvæði (Lýðveldið Ísland)

Pílagrímaganga á jónsmessu 2018 um Síldarmannagötur með K Huldu Guðmundsdóttur á Fitjum. Lagt upp frá vörðunni Guðjóni í Hvalfjarðarbotni og gengið til norðurs um Síldarmannagötur að Vatnshorni við Skorradalsvatn og þaðan að Fitjum.
Þægileg og róleg ganga undir leiðsögn Huldu á Fitjum.
Að leiðarlokum var boðið uppp á pílagrímasúpu og heimareyktan silung frá Fitjum. Samverunni lauk síðan með notalegri stund í Fitjakirkju.
Takk fyrir mig!
mynd

Guðjón (varðan)

Leiðin um Síldarmannagötur liggur upp frá vörðu, sem ber nafnið Guðjón innarlega við Botnsvoginn, vestan Brunnár. Leiðin liggur stall af stalli í krákustígum upp á flatann til móts við Þyril.
mynd

Við runnann

Kynning þátttakenda við upphaf göngu
víðmynd

Útsýni

Útsýni til Botnsdals, Hvalfells og Botnssúlna
víðmynd

Útsýni

Horft út Botnsvog og Hvalfjörð
mynd

Hádegisverður

Hér eru pílagrímar langt komnir með að klífa upp á fjallið og slegið upp hádegisverði. Síminn átti erfitt með að fanga birtuna - svona "á móti sól"
mynd

Vörður

Varða á vegi - hér erum við kominn upp á heiðina á hæð við koll Þyrils
mynd

Bláskeggsá

Leiðin um Síldarmannagötur liggur tvisvar yfir Bláskeggsá - hér er fyrra vaðið. Á áreyrunum fannst hreiður með einu eggi rétt hjá einum pílagrímanna, sem til allrar mildi skaðaði ekki eggið.
víðmynd

Vatnaskil

Hér er farið að sjást til fjalla Borgarfjarðar - framundan er Okið og Oköxlin og hópurinn staddur á vatnaskilum. Við Tvívörðu liggur hæsti punktur á leiðinni, skv kortabókinni 487 m.y.s. og mældi síminn minn sömu hámarkshæð.
víðmynd

Við Tvívörður

Frá Tvívörðum er skemmtilegt útsýnið, sérstaklega til fjallanna í austri - frá Oki um jöklana - Geitlandsjökul, Þórisjökul, suðurhlíðar Langjökuls, Jarlhettur, Hlöðufell, Skjaldbreiður, Hvalfell og Botnssúlna ásamt fleiri fjöllum nær og fjær.
mynd

Tvívarða

mynd

Við vegamót

Kaffipása tekin við ásinn hjá vegprestinum sem sýnir Vatnshorn og framdalinn
mynd

Hlið

Þegar halla fór niður til Skorradals og leiðin lá um hlið á afréttargirðingu fór aðeins að súlda á hópinn
mynd

Skorradalur, brún og útsýni

Horft niður til Fitja og Skorradals - hér var farið að rigna. Hópurinn taldi sig ljónheppinn, gott og milt gönguveður allan daginn og ekki fór að rigna fyrr en síðustu kílómetrana, þrátt fyrir veðurspár
mynd

Varða ofan Vatnshornsbæjarins

Síldarmannagötur liggja ofan af Botnsheiði niður að Vatnshorni og hér er hópurinn við það að stilla sér upp til hópmyndatöku
mynd

Fitjaá

Hulda á Fitjum að kanna vaðið á Fitjaánni og hópurinn fylgdi síðan á eftir, hressandi fótabað undir lok leiðarinnar.
mynd

Pílagrímasúpa á Fitjum

Hér eru frekar lélagar myndir teknar á nærri rafmagnslausann símann heima á Fitjum, þar sem þær stöllur Hulda Guðmundsd og Inga Björnsd töfruðu fram frábæra pílagrímasúpu og buðu upp á heimakrásir, eigin birkireyktan silunginn úr Skorradalsvatni og salat með reyktum silungi. Dýrðarveitingar að lokinni pílagrímagöngu um 15,6 km um Síldarmannagötur

Athugasemdir

    You can or this trail