Rauðsgil - Tröllafoss

Gengið upp með Rauðsgili að vestanverðu, frá malarnámi í landi Steindórsstaða upp að Tröllafossi. Hvoru tveggja var ég að skoða gróðurinn og gilið og því lengi á leiðinni upp - enda lá mér svo sem ekkert á og veðrið var gott. Þegar að Tröllafossi kom hætti ég við að fara niður í gilið, því sól var lágt á lofti og skuggi í gilinu við fossinn. Væntanlega er gott að vera þar þegar sól er hátt á lofti og því stefnt á þessar slóðir fyrri hluta dags í næstu ferð.