Siglufjordur Skollaskál/Hestskarð

Gangan hefst við enda flugbrautarinnar og sem leið liggur upp melana hægra megin í Skollaskálina. Úr skálinni er gengið ca. 150 m upp hægra megin til að komast inn á Skútustaðabrúnir og þaðan í Hestskarðsskál. Þar er merkt gönguleið upp í Hestskarðið sem tengir Siglufjörð og eyðifjörðinn Héðinsfjörð. (Fjörðurinn er enn eyðifjörður en Héðinsfjarðargöngin eru í byggingu þegar þetta er skrifað og ráðgert að þau opni í lok árs 2010).