Stórhóll í Grímmannsfelli - Gengið upp við Helgufoss

Lítill dalur við Helgufoss reyndist mörgum paradís þenna sólríka sunnudag. Þar var drjúgur hópur fólks að sóla sig og leika sér í ánni Köldukvísl sem rennur í gegnum Helgufoss.
Vegurinn að þessum draumastað er hálffalinn ... ómalbikaður og ómerktur vegaspotti sem liggur í átt að Grímmansfelli tveimur km austar en Laxnes-bærinn.
Gangan þarna upp er þétt á fótinn en vel merkt og þokkalega skemmtileg tveggja tíma ganga.