Þingvellir, Bolabás - Vatnskot 26. júní 2020.

Gangan hófst í Bolabás undir Ármannsfelli. Veðrið var gott, bjart, hlýtt og smá gola. Frekar lítið af flugu. Það þykknaði aðeins upp er leið á daginn og við fengum smá úrkomu í lokin.
Gengið var milli eyðibýla, stikaða leið að mestu. Fengum fræðslu leiðsögumanns um íbúa og lífshætti fyrri alda á þessu svæði. Við gengum fyrst að Hrauntúni, þá að Skógarkoti þar sem útsýnið var einna mest. Síðan komum við að Ölkofrastöðum og að lokum gengum við meðfram Þingvallavatni að Vatnskoti. Mikið og fallegt útsýni til allra átta. Fórum rólega yfir þessa 10 km á um 5 klst.