Selvogsgata, Grindarskörð & Tvíbollahraun

Hluti hinnar fornu Selvogsgötu hjólaður sem partur af hringleið með upphaf og endi í Kaldárseli. Upphaf leiðarinnar liggur um Undirhlíðar, þar er blanda af gömlum jeppaslóða, helluhrauni og moldareinstígum. All-torfært á stuttum köflum en hjólanlegt. Komið er út á Bláfjallaveg (417) og honum fylgt í austur allt að Selvogsgötu, góður malarvegur að mestu. Við Selvogsgötu er gamalt rauðleitt sæluhús, þar er farið áleiðis upp Selvogsgötuna í Suður til þess eins að ná smá hæð til að skemmta sér á niðurleiðinni. Mestur hluti Selvogsgötunnar að línuveginum við Helgahell er helluhraun sem er tæknilega krefjandi á köflum en flæðir undarlega vel, þetta er hápunktur leiðarinnar hvað varðar skemmtilegt undirlag. Þegar nær dregur Valahnúkum við Helgafell er komið í eldra hraun og meiri torfærur en endar svo á sand/malar-stígum að Kaldárseli.

Þetta er leið sem leyfir AM hjólum að njóta sín en er fær öllum fjallahjólum.

Myndbandið sýnir þann hluta leiðarinnar sem fer um Selvogsgötu.
http://www.youtube.com/watch?v=iofMiZNBa9g