Hornstrandir D3 - Gengið umhverfis Hornbjarg 2014

Algjörlega einstök gönguleið og reyna skal eftir megni að komast hana á björtum degi. Stíf á fótinn, allt að 20 km og 1100 metra heildarhækkun ef Kálfatindar eru teknir með. Gönguleiðir eru í sjálfu sér mjög greinilegar ... allavega í snjóleysu eins og nú. Helst undir Kálfatindum sem hún verður óljós á kafla en skýrist aftur handan við eða jafnvel upp á svokölluðum Múla sem gengur niður af Kálfatindum langleiðina niður í Hornvík.