Endilangi Langijökull

Keyrt norður Kjöl upp á Hveravelli og lagst í böðun. -14°C frostið gerði baðferðina betri en flestar:) Að lokinni böðun var keyrt vestur í Dómadal en þegar komið var á sléttuna var sveigt til Norðurs til að komaat fyrir fjallgarðinn. Fært er í góðu færi eða á stærri bílum beint upp að jökli þar samt. Smá kræklur og varasöm gil undir fjallshlíðunum þarna en gott skyggni gerði þetta einfallt. Litlar brekkur og tiltölulega auðratað. Lagt á jökulinn nánarst nyrst til að forðast sprungur og keyrt suður eftir jöklinum efst á honum að Þursaborgum en sprungulaust er á þessum hluta. Frá Þursaborgum var keyrt suð-vestur í átt að Hábungu en áður en að bungunni kom er beygt í hásuður og niður með Klakki sem einnig er sprungulaust svæði og komið niður með Tjaldfelli og niðrí Ríkin og þaðan bara línuvegur að Þingvöllum