-
-
1.121 m
93 m
0
4,5
9,0
18,0 km

Skoðað 1805sinnum, niðurhalað 37 sinni

nálægt Skaftafell, Austurland (Lýðveldið Ísland)

Gengið á Kristínartinda sunnudaginn 24. júní 2012 (Jónsmessa). Lagt af stað frá bílastæði við Þjónustumiðstöðina í Skaftafelli um kl 9.15. Sólin var að bræða síðustu dalalæðuna þegar lagt var af stað. Hiti 10°C um morguninn en steig upp í 18°C þegar leið á daginn. Lygnt. Fyrst var gengið upp að Svartafossi og upp á Sjónarsker. Þaðan lá leiðin upp vesturheiðina að Kristínartindum. Þar var beygt út af göngustígnum upp nokkuð bratta skriðu. Síðustu 180m var nokkuð klöngur í skriðu/klettum úr flögubergi.
Uppgangan frá tjaldstæðinu í Skaftafelli tók rétt rúma 4 klst.
Útsýni af toppinum var með ólíkindum. Til austurs Öræfajökull, Hvannadalshnjúkur, Hrútfjallstindar og Skaftafellsjökull. Til norðurs Vatnajökull og Skarðatindur. Beint fyrir neðan var svo Morsárdalur og Morsárjökull og nokkrir af hæstu fossum landsins sem falla niður af jöklinum.
Leiðin til baka lá um austurheiðina meðfram Skaftafellsjökli. Samtals tæplega 20 km hringur.
Heildargöngutími var 7 klst og 15 mín.

Athugasemdir

    You can or this trail